Rwyf wedi bod yn lwcus iawn i gael gyrfa anhygoel hyd yma, yn cwmpasu meysydd clinigol, sefydliadau a gwledydd. Cymhwysais fel Nyrs Gofrestredig yn 1995 yn Portsmouth a gweithiais am nifer o flynyddoedd yn y maes meddygaeth i\u2019r henoed cyn penderfynu teithio\u2019r byd. Pan oeddwn yn teithio, gweithiais fel nyrs yn Awstralia. Tra bod fy ffrindiau yn ennill tipiau bach mewn bariau, roeddwn i\u2019n datblygu fy sgiliau ac yn ennill cyflog cymharol dda (am deithiwr!)<\/p>\n
Ar \u00f4l dychwelyd o\u2019r daith honno, gweithiais yn y maes Gofal Coronaidd cyn symud i St Louis, UDA a gweithio yn yr adran Gofal Dwys Cardio-thorasig. Dyma lle y datblygais fwyaf, yn glinigol ac o safbwynt personol. Dechreuais sylweddoli pa mor gryf yw fy ngwerthoedd o ran bod gofal iechyd ar gael i bawb, peidio \u00e2 gwneud unrhyw niwed ac, yn y pen draw, pa mor bwysig yw\u2019r GIG i fi.<\/p>\n
Dychwelais i\u2019r DU i gael fy nheulu, a chymerais ychydig o flynyddoedd i ffwrdd i ofalu amdanynt. Unwaith yr oeddent i gyd yn y feithrinfa cefais drafferth am ychydig yn canfod beth roeddwn i wir am ei wneud, ac ar \u00f4l ychydig o swyddi yn yr adran Gofal Dwys Cardiaidd a Hemodialysis, fe ddes i ar draws Nyrsio Ymchwil.<\/p>\n
Roedd hwn yn fyd cwbl newydd y gallwn uniaethu ag ef. Cyfuniad o ofal cleifion ac eiriolaeth, gwyddoniaeth, ac yn y pen draw, gwella gwasanaethau. Mwynheais yr her o geisio newid y diwylliant a oedd yn amgylchynu Ymchwil Glinigol a phenderfynais y byddwn yn gwneud popeth a allwn i\u2019w wneud yn ofal safonol yn ein meysydd clinigol, yn hytrach na chael ei ystyried fel \u2018rhywbeth arall\u2019 i feddygon academaidd ei wneud. Roedd hyn fwyaf amlwg yn ystod y pandemig pan oeddem yn dibynnu cymaint ar y treialon yr oeddem yn eu cynnig i lywio ein ffordd drwy COVID-19. Credaf mai\u2019r diwrnod y byddaf yn ei gofio bob amser fel diwrnod gorau fy ngyrfa oedd y diwrnod y gwnaethom ganfod fod y cyffur fforddiadwy, hygyrch, dexamethasone yn gwella canlyniadau marwolaeth i gleifion \u00e2 COVID-19 ac\u00edwt. Roeddem wedi gweithio mor galed ar y Treial RECOVERY ac roedd wedi talu ar ei ganfed: roedd wedi achub bywydau. (Fe wnes i grio!)<\/p>\n
Ar \u00f4l 7 mlynedd o weithio fel Uwch-nyrs Ymchwil, yn cyflawni Ymchwil Glinigol ym Mwrdd Iechyd Prifysgol Caerdydd a\u2019r Fro (BIP CAF), roedd yn bryd symud ymlaen. Ym mis Rhagfyr 2021, dechreuais fy r\u00f4l bresennol fel Rheolwr y Rhaglen Arloesi ar gyfer BIP CAF. Nid oedd nyrsio yn un o ofynion hanfodol y r\u00f4l hon ond credaf ei fod yn ychwanegu cymaint. Fel nyrsys, rydym yn ei brofi i gyd: y da a\u2019r drwg. Rydym yn myfyrio\u2019n barhaus ac yn deall cymhlethdodau gofal a llwybrau cleifion yn well nag unrhyw un arall.<\/p>\n
Fel Rheolwr y Rhaglen Arloesi, fy ngwaith i yw bod yn bont rhwng ein holl staff o\u2019r adran Ystadau i ITU, i wrando ar eu syniadau ynghylch beth a allai wella ein gwasanaethau, ac i gysylltu \u00e2\u2019r arbenigedd, gwyddoniaeth a thechnoleg gywir er mwyn cyflawni hyn. Mae fy r\u00f4l i\u2019n cysylltu \u00e2\u2019r byd arloesi ehangach yn cynnwys Llywodraeth Cymru, Hwb Gwyddorau Bywyd Cymru, Prifysgolion, Cynghorwyr IP, Llywodraethu, Caffael ac amrywiaeth o arbenigedd yn y byd gwyddoniaeth a diwydiant. Mae\u2019n fraint gallu hwyluso\u2019r cydweithrediadau hyn, cyfeirio at grantiau perthnasol, a chefnogi prosiectau hyd at eu gweithrediad.<\/p>\n
Yr her dros y chwe mis nesaf yw dod yn d\u00eem mwy gweladwy. Ar hyn o bryd mae ein t\u00eem yn cynnwys fi a Mark Briggs, y Cyfarwyddwr Arloesi Cynorthwyol, ochr yn ochr \u00e2 thri Chymrawd Arloesi anhygoel sy\u2019n gweithio ar rai prosiectau gwych ar hyn o bryd. Rydym yn gweithio\u2019n galed i ddiffinio ein prosesau a sicrhau ein bod yn gallu cynnig cymorth cadarn i\u2019n gweithlu, er mwyn sicrhau bod BIP Caerdydd a\u2019r Fro yn gallu datblygu ac ymateb i\u2019r heriau o\u2019n blaenau.<\/p>\n