Yn dilyn trychineb personol pan oeddwn i\u2019n blentyn, fy uchelgais oedd gwneud pethau\u2019n well i eraill. Gofalu am eraill, gwella a bod y gorau y gallwn fod. Gwnaeth rhywfaint o hyn ddwyn ffrwyth o ganlyniad i\u2019m hyfforddiant i fod yn feddyg, ond mae llawer mwy y gellir ei wneud.<\/p>\n
Wrth i fi ddechrau ar fy nhaith rheoli, roeddwn yn aml yn wynebu materion nad oeddwn yn teimlo\u2019n barod ar eu cyfer. Roeddwn bob amser yn ymwybodol o\u2019m diffyg sgiliau neu wybodaeth ac nid chwilio am ddatrysiadau\u2019n barhaus oedd y ffordd iawn ymlaen yn fy marn i. Roedd angen i fi ddeall systemau, ymddygiadau, rhwydweithiau, ac am amser maith rwyf wedi cael fy nrysu gan gymhlethdod y GIG a pham na allwn fynd ati i gyflawni pethau.<\/p>\n
Yn debyg i lawer o bobl eraill, gwnaeth y pandemig COVID fy ngorfodi i edrych yn fanylach ar bethau, a gwelais drawsnewidiadau. Roedd hyn yn ddigon o dystiolaeth i fi o\u2019r posibiliadau oedd ar gael. Dychmygwch beth y gallwn ei gyflawni gyda\u2019n gilydd!<\/p>\n
Fel ffoadur, rwyf bob amser wedi synnu at y gwastraff o fewn sefydliadau gofal iechyd. Rwyf bob amser wedi meddwl y gallem leihau gwastraff a defnyddio\u2019r adnoddau sydd ar gael yn ddarbodus. Ni chredaf mai\u2019r datrysiad i broblemau\u2019r sector cyhoeddus yw cynyddu cyllid. Yn hytrach rhaid bod yn ddarbodus a dilyn mesurau stiwardiaeth o fewn yr adnoddau a ddyrannir, gan ddymchwel rhwystrau ac integreiddio gofal. O ganlyniad i\u2019r ffaith bod gohirio gofal yn dod yn broblem anorchfygol yn dilyn y pandemig, mae hyn yn bwysicach fyth.<\/p>\n
Pam gefais e-bost ynghylch gwneud cais ar gyfer rhaglen Climb Cymru y llynedd, fe wnes i dybio ei fod yn ymwneud ag Eryri felly es ati i\u2019w ddileu ar unwaith (sy\u2019n dweud llawer am fy ffitrwydd). Eiliad yn ddiweddarach, ceisiais ddod o hyd iddo eto, er mwyn ei ddarllen yn fanylach. Dyma\u2019r foment y gwnaeth pethau newid i fi.<\/p>\n
Nawr, fel un o Arloeswyr cychwynnol Climb, rwyf wedi cael y profiad mwyaf anhygoel o rwydweithio a dysgu oddi wrth arweinwyr nid yn unig o Brydain, ond ar draws y byd. Mae\u2019r hyfforddwyr yn arweinwyr rhyngwladol sydd \u00e2 phrofiad o symudiadau torfol, yn meddu ar ddylanwad sylweddol ac yn gwbl ymrwymedig i\u2019n gr\u0175p ni y maent yn ei fentora. Nid dim ond rhaglen 10 mis yw hon, ond perthynas fagwrol barhaus i greu arweinwyr cynaliadwy. Rydym wedi bod yn brysur yn dysgu sut i gyflwyno areithiau arddull TED, yn gweithio ar brosiectau a hefyd yn cynllunio prosiect Cymru gyfan.<\/p>\n
Mae\u2019n anodd peidio \u00e2 gadael heb deimlo wedi\u2019ch bywiogi a\u2019ch bywioc\u00e1u. Daeth y cyfle ar yr adeg iawn yn fy mywyd i, ac nid yw\u2019n debyg i unrhyw raglen arwain arall. Mae\u2019r rhwydwaith hwn wedi bod yn sgaffaldwaith angenrheidiol i fi.<\/p>\n
Fel rheolwr rwy\u2019n fwy ymwybodol, ac fel arweinydd, rwy\u2019n cydnabod pwysigrwydd fy r\u00f4l a\u2019m datblygiad o fewn Bwrdd Iechyd Prifysgol Betsi Cadwaladr. Mae hyn wedi fy ngalluogi i fyfyrio, cymhwyso gwybodaeth a chefnogi timau ac unigolion mewn ffordd gyflawn.<\/p>\n
Byddai\u2019r ferch 9 mlwydd oed honno y cafodd ei huchelgais ei llunio gan y trychineb hwnnw wedi bod yn hapus iawn \u00e2\u2019r canlyniad hwn.<\/p>\n