Defnyddiodd cydweithiwr da drosiad diddorol ychydig flynyddoedd yn \u00f4l wrth ddisgrifio’r broses o geisio newid ac arloesi yn y gwasanaeth iechyd. Roedd yn ymwneud \u00e2 hylifau an-Newtonaidd, a\u2019r enghraifft benodol oedd ‘Slime’, a oedd yn eithaf poblogaidd gyda phlant ychydig flynyddoedd yn \u00f4l. Bydd chwiliad cyflym trwy Google yn mynd \u00e2 chi i fideos sy’n dangos sut i wneud eich hylif an-Newtonaidd eich hun gan ddefnyddio d\u0175r a blawd corn (ei enw yw Oobleck, yn \u00f4l pob tebyg). Pan g\u00e2nt eu trin yn ofalus, nid ydynt yn ludiog iawn \u2013 maent yn ymddwyn ac yn teimlo fel hylifau arferol: gallwch redeg eich bysedd drwyddynt, a byddant yn llifo, os nad fel d\u0175r yna\u2019n sicr fel m\u00eal. Y rhan ddiddorol yw os ydych chi’n gwthio’n rhy galed. Os ydych chi’n neidio ar yr wyneb neu’n ei daro \u00e2 morthwyl, mae’r hylif yn ymddwyn fel rhywbeth solet. Mae’n gwrthsefyll ‘dadffurfio cyflym’. ei ddyrnu fel dyrnu concrit. Does dim angen i mi esbonio’r trosiad.<\/p>\n
Roedd ymgynghoriadau fideo (YF) yn fenter gynnar a phwysig pan ddechreuodd pandemig COVID-19. Doedd y cysyniad ddim yn newydd \u2013 mae llawer ohonom wedi bod yn defnyddio technoleg fideo ers blynyddoedd drwy gyfrwng Skype, FaceTime a rhaglenni eraill. Yn wir, cafodd trwyddedau Skype eu prynu mewn niferoedd sylweddol i’w defnyddio gan GIG Cymru ychydig flynyddoedd yn \u00f4l \u2013 er nad oedd unrhyw gynllun clir nac amlinelliad o sut y byddai\u2019r dechnoleg yn cael ei defnyddio \u2013 neu ‘estyn’ ei defnydd. Roedd y manteision o ran lleihau amser teithio ac anghyfleustra i gleifion yn amlwg, ond roedd yr anfanteision o fethu \u00e2 gwneud archwiliad corfforol a cholli’r arwyddion cynnil a geir wyneb yn wyneb yn aneglur. Roedd rhai gwasanaethau’n ‘archwilio\u2019r’ defnydd o Skype, ond yn gyffredinol roedd y rhain ar raddfa fach ac ar hap. Yn ddiddorol, y farn ymhlith llawer o gydweithwyr clinigol (nad oeddent yn defnyddio YF yn y gwaith) oedd na allent ddeall pam nad oedd yn cael ei defnyddio’n ehangach. ‘Mae angen i ni ddechrau ei defnyddio, mae angen i ni estyn ei defnydd…’. Rwyf wedi dysgu bod yr ymadrodd ‘mae angen ei wneud e, dyna\u2019i gyd\u2019 yn arwydd o rwystredigaeth, ond hefyd diffyg dealltwriaeth o gymhlethdod cyflwyno technoleg sy’n ymddangos yn syml ond sy’n newid y ffordd rydym yn gweithio yn fawr.<\/p>\n
Yn ystod wythnosau cyntaf y pandemig, daeth y gallu i ‘weld’ cleifion o bell yn rhywbeth hanfodol oedd yn cael ei orfodi gan y cyfnod clo. Mewn llawer o achosion, gallai ff\u00f4n fod yn ddigonol, ond roedd llawer o glinigwyr yn gofyn am y gallu i gynnal YF \u2013 gyda llawer yn penderfynu gwneud hyn gan ddefnyddio technoleg ar eu dyfeisiau eu hunain yn absenoldeb unrhyw ddewis arall. Daeth sgyrsiau am gyflwyno platfform YF yn gyflym ar sail ‘Unwaith i Gymru’ i\u2019r amlwg, a dechreuodd Llywodraeth Cymru archwilio hyn, gan gaffael \u2018Attend Anywhere\u2019 i ddarparu’r gallu hwn yn gyflym. Mae\u2019r gwaith wedi\u2019i wneud. Jest estynnwch y dechnoleg. Mae\u2019r dyfodol yma. Gallwn gau adrannau cleifion allanol. Roedd canrannau targed yn cael eu trafod. Rhaid i bawb ddefnyddio Attend Anywhere. Dyma pryd yr oedd yn bwysig cofio hylifau an-Niwtonaidd.<\/p>\n
Mae’r rheini ohonom ym myd Gwybodeg Glinigol wedi bod yn dysgu dros y blynyddoedd diwethaf am yr hyn sy’n gweithio a’r hyn nad yw’n gweithio wrth gyflwyno technoleg ddigidol i ofal iechyd. Yr adroddiad amlycaf am hyn yw ‘Adroddiad Wachter’ fel y’i gelwir, i’r methiant i ddigideiddio GIG Lloegr er gwaetha\u2019r biliynau a fuddsoddwyd. Un canfyddiad allweddol oedd yr angen i gael ymgysylltiad clinigol ystyrlon i arwain y ‘newid addasol’ sy’n deillio o dechnoleg ddigidol newydd \u2013 y newid busnes, y ‘ffyrdd newydd o weithio’. Mae hon yn broses archwiliadol, nid rhywbeth y gellir ei ddisgrifio na’i ragnodi’n fanwl o’r brig i lawr. Mae cysylltiad agos rhwng hyn a’r egwyddorion ‘gweithio ystwyth’ a ddatblygwyd gan Wasanaethau Digidol y Llywodraeth \u2013 gan osgoi’r demtasiwn i wneud popeth yn berffaith cyn iddo \u2018fynd yn fyw’, ond yn hytrach derbyn ei fod yn ‘ddigon da’, ond wedyn gwrando ar adborth defnyddwyr, gwerthuso canlyniadau a datblygu’r datrysiad yn ailadroddol.<\/p>\n
Rwy\u2019n edrych yn \u00f4l yn awr ar y dyddiau cynnar hynny o YF ac yn teimlo\u2019n falch ein bod wedi mabwysiadu’r egwyddorion hynny wrth fwrw ymlaen \u00e2 nhw. Roeddem yn deall ein bod yn ymgymryd \u00e2 phroses ‘weithredu’, yn hytrach na \u2018chyflwyno\u2019 cynnyrch yn ehangach. Gwrandawodd Llywodraeth Cymru a derbyniodd, er y gallai eu platfform YF a gaffaelwyd fod yn ddigon ar gyfer anghenion y rhan fwyaf o wasanaethau (‘achosion defnyddio’ yn iaith gwybodeg), y byddai platfformau eraill eisoes yn cael eu defnyddio mewn ardaloedd penodol ac ar gyfer achosion defnydd penodol iawn na fyddai Attend Anywhere yn addas iddynt, neu byddai gorfodi newid yn rhy feichus. Doedden ni ddim yn gwybod beth oedden nhw – ond roedden ni’n gwybod y byddai rhai. Felly daeth ‘Unwaith i Gymru’ (ymadrodd sy’n dwyllodrus o syml ond sy’n aml yn broblemus iawn) yngl\u0177n \u00e2\u2019r dull yn hytrach nag am y cynnyrch yn unig.<\/p>\n","protected":false},"excerpt":{"rendered":"
Defnyddiodd cydweithiwr da drosiad diddorol ychydig flynyddoedd yn \u00f4l wrth ddisgrifio’r broses o geisio newid ac arloesi yn y gwasanaeth iechyd. Roedd yn ymwneud \u00e2 hylifau an-Newtonaidd, a\u2019r enghraifft benodol…<\/p>\n","protected":false},"author":15,"featured_media":3501,"comment_status":"open","ping_status":"open","sticky":false,"template":"","format":"standard","meta":{"inline_featured_image":false,"footnotes":""},"categories":[67],"tags":[],"class_list":["post-1859","post","type-post","status-publish","format-standard","has-post-thumbnail","hentry","category-views-cy"],"yoast_head":"\n